Zelenski novi predsjednik Ukrajine, Porošenko mu čestitao | Ekonomist

Zelenski novi predsjednik Ukrajine, Porošenko mu čestitao

U Ukrajini je održan drugi krug predsjedničkih izbora. Kako javlja AFP, komičar Volodimir Zelenski, koji glumi predsjednika u jednoj seriji, proglasio je pobjedu.

Prve ankete to potvrđuju te pokazuju da je komičar osvojio 73,2 odsto glasova birača.

U izjavi nakon objave prvih rezultata Zelenski je kazao da nikada neće razočarati građane Ukrajine.

– Iako još uvijek nijesam formalno predsjednik, kao građanin Ukrajine, mogu reći svim zemljama bivšeg SSSR-a: Pogledajte nas, sve je moguće! Nikada vas neću razočarati – kazao je Zelenski.

Istovremeno i aktuelni predsjednik Petro Porošenko je korektno čestitao Zelenskom i priznao izborni poraz.

Podsjetimo, Zelenski je pobijedio u prvom krugu predsjedničkih izbora u Ukrajini te se u drugome krugu suočio sa dosadašnjim predsjednikom Porošenkom koji je zauzeo drugo mjesto.

Redakcija
Redakcija
Redakcija Ekonomista donosi ekonomske i poslovne vijesti iz Crne Gore i svijeta, doprinosi promovisanju dobrih poslovnih praksi i razvijanju preduzetničke svijesti.

Komentariši

Top