Zaev: Podnijeću ostavku ako referendum o imenu ne bude uspješan | Ekonomist

Zaev: Podnijeću ostavku ako referendum o imenu ne bude uspješan

Premijer Makedonije Zoran Zaev saopštio je da je uvjeren da će referendum o dogovoru sa Grčkom oko imena biti uspješan, a da će ako ne bude tako, podnijeti ostavku.

On je u intervjuu za 1TV naveo da Makedonija nema Plan B, te da skoro 80 odsto građana želi članstvo u EU i NATO.

– Uvjeren sam da će građani donijeti tu odluku na referendumu – rekao je Zaev i naglasio da će podnijeti ostavku ako referendum ne bude uspješan, ali da je sa druge strane uvjeren da će on biti uspješan, prenosi MIA.

Prema njegovim riječima, važno je da članice EU i NATO pošalju poruku ohrabrenja Makedoniji.

– Makedonija ne samo da je napravila uspjeh, već i model o tome kako rješavati tridesetogodišnji spor. Makedonija je model koji može da se primijeni. Ne sumnjam da će nam poslati ohrabrujuću poruku, moraju – zaključio je Zaev.

Komentariši

Top