SAD: Tužbe protiv vodećih proizvođača automobila | Ekonomist

SAD: Tužbe protiv vodećih proizvođača automobila

Američki potrošači tužili su u srijedu deset najvećih svjetskih proizvođača automobila zbog rizika od trovanja ugljen monoksidom u više od 5 miliona vozila koji imaju ugrađeno paljenje bez ključa, što je dovelo do 13 smrtnih slučajeva.

Prema tužbi podnesenoj saveznom sudu u Los Angelesu, ugljen monoksid se emituje kada vozači ostave vozila upaljena poslije uzimanja elektroničkih privjezaka sa sobom, pogrešno vjerujući da će se motori isključiti.

Tužioci, njih 28, tvrde da to može da dovede do povreda ili imati “smrtonosne” posljedice za ljude zbog udisanja gasa koji nema boje ni mirisa. Takođe, tvrde da kvar tog sistema smanjuje vrijednosti njihovih vozila pri prodaji.

Paljenje bez ključa omogućava vozaču da pokrene vozilo pritiskom na dugme za paljenje umjesto umetanjem ključa, pošto vozilo detektuje prisutnost elektroničkog privjeska u blizini.

Tužba obuhvata proizvođače kao što su BMW, Mini, Mercedes Benz, Fiat Chrysler, zatim Ford Motor, General Motors, Hondu i Acuru. Kao okrivljenici navode se također Hyundai, Kiu, Nissan, Infiniti, zatim Toyotu, Lexus, te Volkswagen, uključujući Bentley.

Ta tužba je najnoviji zahtijev za odgovornošću automobilske industrije za nedostatke koji bi mogli učiniti vožnju nesigurnom, kao što su, primjera radi, ranije bili Takata vazdušni jastuci i prekidači za paljenje na GM vozilima.

U tužbi se tvrdi da 10 proizvođača vozila odavno zna za rizike sistema paljenja bez ključa, koji su dostupni u SAD-u od 2003. godine.

Izvor:
Redakcija
Redakcija
Redakcija Ekonomista donosi ekonomske i poslovne vijesti iz Crne Gore i svijeta, doprinosi promovisanju dobrih poslovnih praksi i razvijanju preduzetničke svijesti.

Komentariši

Top