Odobreno odvajanje Ferrarija u posebnu firmu | Ekonomist

Odobreno odvajanje Ferrarija u posebnu firmu

Predsjednik FCA Sergio Marchionne rekao je dioničarima kako je odvajanje Ferrarija početak novog poglavlja.

Dioničari automobilske kompanije FIAT Chrysler Automobiles (FCA) odobrili su odvajanje Ferrarija u posebnu kompaniju, što bi se, kako je predviđeno, trebalo desiti u januaru, prenose svjetske agencije.

Vlasnici dionica FCA su, na sastanku u sjedištu kompanije u Amsterdamu, većinom od 98 posto glasova podržali izdvajanje proizvođača luksuznih sportskih automobila iz matične kuće, navodeći da će akcije Ferrarija koje drži FCA biti prebačene u novoformiranu holandsku kompaniju FE Interim B.V, prenosi AFP.

Predsjednik FCA Sergio Marchionne rekao je dioničarima kako je odvajanje Ferrarija početak novog poglavlja koje će toj kompaniji omogućiti unapređenje potencijala za budući rast i praćenje svoje strategije, uz veću finansijsku i poslovnu nezavisnost.

Brojni brendovi

Marchionne je dodao kako neće biti novih izdvajanja drugih brendova iz grupacije u bliskoj budućnosti.

Vrijednost Ferrarija je po izlasku na Wall Street procijenjena na 10,6 milijardi američkih dolara (10 milijardi eura).

FIAT Chrysler Automobiles je prije izlaska Ferrarija na berzi držao 90 posto akcija te kompanije.

Inače, FCA je sedmi najveći proizvođač automobila na svijetu i čine ga dva podsegmenta – FCA Italy (bivši Fiat Group Automobiles) i FCA US (nekadašnji Chrysler LL). Koncern čine brojni brendovi automobila i opreme za vozila, među kojima su: Alfa Romeo, Chrysler, Dodge, Fiat, Jeep, Lancia, Ram Trucks, Maserati, Magneti Marelli…

Izvor: Agencije

Redakcija
Redakcija
Redakcija Ekonomista donosi ekonomske i poslovne vijesti iz Crne Gore i svijeta, doprinosi promovisanju dobrih poslovnih praksi i razvijanju preduzetničke svijesti.

Komentariši

Top