Slovenija: Minimalna zarada povećana na 630 eura | Ekonomist

Slovenija: Minimalna zarada povećana na 630 eura

Vlada Slovenije predložila je sindikatima na jučerašnjem sastanku sastanku socijalno-ekonomskog savjeta da se iznos minimalne zarade u 2017. poveća na 630 eura s dosadašnjih 604,35 eura. Predlog je naišao na oštro protivljenje brjnih poslodavaca, kao i pojedinih ministara.

Na osnovu usklađivanja minimalnih zarada s porastom životnih troškova u prošloj godini, one bi mogle biti uvećane za samo 0,5 posto, ali ministar za rad i socijalnu politiku Anja Kopač-Mrak spremna je da odobri veće povećanje, budući da su minimalne zarade razlog velikog nezadovoljstva među sindikatima i radnicima koji ih primaju, a njih je skoro 50.000, ne samo u privredi, već i na niže plaćenim poslovima u javnom sektoru, navode slovenački mediji.

Protiv tolikog povećanja minimalne plaće izjasnio se u petak ministar ekonomije Zdravko Počivalšek, prema čijoj će ocjeni tako dodatno opasti konkurentnost slovenske ekonomije, a još oštrije reagovali su poslodavci, prema čijoj je ocjeni Slovenija, zbog stalnih pritisaka na rast minimalne zarade od izbijanja ekonomske krize izgubila 7.000 već postojećih radnih mjesta.

Redakcija
Redakcija
Redakcija Ekonomista donosi ekonomske i poslovne vijesti iz Crne Gore i svijeta, doprinosi promovisanju dobrih poslovnih praksi i razvijanju preduzetničke svijesti.

Komentariši

Top